Neft-qaz sektoruna qoyulan vəsait artıb: Səbəb nədir?
2023-cü ilin yanvar-iyul aylarında Azərbaycanın neft-qaz sektoruna 3 766 milyon manat həcmində vəsait yönəldilib ki, bu da illik 15,9% çoxdur. Dövlət Statistika Komitəsinin məlumatına görə, 2022-ci ilin müvafiq dövründə sözügedən göstərici 3 249,8 milyon manat səviyyəsində olub.
Valyuta.az-a açıqlama verən iqtisadçı ekspert Fuad İbrahimovun fikrincə, neft-qaz sahəsinə yönəldilən vəsaitlərin həcmində baş verən artım cari təmirlərə, modernizasiya işlərinə və səmərəliliyin yüksəldilməsinə qoyulan investisiyaların həcminin çoxalması ilə bağlıdır:
“Nəzərə almaq lazımdır ki, artımla müşahidə edilən bu vəsaitlər neft-qaz sektorunda maddi-texniki bazanın idarə olunmasında cari təmirə və səmərəliliyin artırılması istiqamətində qoyulan investisiyalardır. İtkilərin qarşısının alınması, ətraf mühitin mühafizəsilə bağlı modernizasiya işlərilə bağlı investisiya qoyuluşlarında artımlar baş verib. Yəni texnoloji proseslər üzrə investisiya artımı müşahidə edilir. Həmin addımlar da neft-qaz sektoruna yönəldilən vəsaitlərin həcminin artmasına şərait yaradıb”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay