Prezident İlham Əliyev “Azərbaycan Respublikasının dövlət müəssisələrinə özəl investisiyaların cəlb edilməsi ilə bağlı tədbirlər haqqında” sərəncam imzalayıb.  

Sərəncama əsasən Azərbaycan Respublikası Dövlət Neft Şirkətinin strukturuna daxil olan 3 zavodun da özəlləşdirilməsi nəzərdə tutulub. Bunlar “Azərikimya” İstehsalat Birliyi (Etilen-Polietilen zavodu), Karbamid zavodu və Metanol zavodudur. 

Valyuta.az-a açıqlamasında neft-qaz məsələləri üzrə ekspert İlham Şaban SOCAR-ın strukturuna daxil olan bu 3 zavodun hansı səbəblərdən özəlləşdirməyə çıxarıldığına aydınlıq gətirdi:

“2015-ci ilə qədər Metanol zavodu özəl zavod olaraq fəaliyyət göstərirdi. Lakin maliyyə böhranı səbəbindən hökumət onu sonradan SOCAR-ın sərəncamına verdi. Neft şirkəti də bu işin öhdəsindən layiqincə gəldi. İndi isə dövlət onu yenidən öz balansında olan zavod kimi özəlləşdirməyə çıxarır. 

Karbamid zavonunun nədən özəlləşdirməyə çıxarıldığını deməkdə isə çətinlik çəkirəm. Çünki bu zavod tam olaraq dövlət vəsaitilə tikilib ərsəyə gəlib. Onun gübrə-amyak istehsalı ilə bağlı göstəriciləri də yaxşıdır. 

“Azərkimya" İstehsalat Birliyinin özəl sektora təklif edilməsi isə yəqin ki, orada uzun müddət ərzində aparılan modernizasiya işlərinə çəkilən xərcləri çıxarmaq məqsədilə edilir”.

Ramiz