Ərəb investorları Azərbaycana necə cəlb etmək olar? (ŞƏRH)
“Azərbaycanla ərəb şirkətləri olan “Mastar”, “Acwa Power” arasında əsas alternativ enerji mənbələrinin işlənməsi, külək və günəş enerjisinin istehsalı ilə bağlı əməkdaşlıq var”.
Bu sözləri Valyuta.az-a iqtisadçı Xalid Kərimli “ölkənin həm neft, həm də qeyri-neft sektoruna ərəb investorların marağın necə artarmaq olar” sualını şərh edərkən deyib.
İqtisadçı deyir ki, ötən il həm “Mastar”la, həm də “Acwa Power”lə 230 meqavatlıq külək, həmçinin 240 meqavatlıq günəş enerjisinin istehsal edilməsi ilə əlaqədar müqavilə bağlanıb:
“Biz həm Birləşmiş Ərəb Əmirliklərinin, həm Səudiyyə Ərəbistanının şirkəti ilə əməkdaşlıq edirik. “Mastar” şirkəti ilə 230 meqavatlıq külək enerjisi, “Acwa Power”lə 240 meqavatlıq günəş enerjisi elektrik stansiyasının qurulması ilə əlaqədar müqavilələr imzalanıb. “Mastar” şirkəti ilə 10 geqavatlıq külək, günəş enerjisinin istehsal edilməsi ilə əlaqədar bu ilin yanvarında ölkə prezidentinin Birləşmiş Ərəb Əmirlikləri səfəri zamanı uzunmüddətli müqavilə bağlanılıb".
İqtisadçı deyir ki, Azərbaycanın enerji sektoruna, xüsusən ənənəvi enerji sektoruna maraq var, yəni investisiya cəlbi ilə əlaqədar problem yoxdur:
“Çünki boru kəməri tikilib, həm də Azərbaycanın praktikası, əlaqələri var. İndi bizi maraqlandıran alternativ enerji mənbələrinin istehsalına investisiya cəlb etməkdir. Xüsusən də təcrübəli şirkətlərin cəlb edilməsi bizim marağımızdadır. Bu sahədə ərəblərlə intensiv işləyirik. Amma ümumiyyətlə, ərəblərin Azərbaycanın həm daşınmaz əmlak bazarına, həm turizm sektoruna, həm də qeyri-neft sahəsinə investisiyalarının cəlbi ölkəmizib marağında ola bilər. İndi əlaqələr başlayıb, inkişaf edir, münasibətlər formalaşır. Bu kontekstdə həm qeyri-neft sektoruna, qeyri-neft məhsullarının istehsalına investisiyaların cəlb edilməsi maraqlı ola bilər. Eyni zamanda, Azərbaycanın qeyri-neft sənayesi məhsullarının Ərəbistan yarımadasına Birləşmiş, Ərəb Əmirliklərinə ixracı, bu sahədə əməkdaşlığın genişlənməsi, sahibkarlar arasında münasibətlərin qurulması ölkəmizin marağındadır. Həmçinin Azərbaycan Ərəbistandan turist cəlb etməkdə maraqlıdır”.
Davud
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay