Ukraynada müharibənin başlamasından sonra Avropa şirkətlərinin Rusiya bazarında birbaşa itkiləri ən azı 100 milyard avro təşkil edib.

Valyuta.az xəbər verir ki, bu barədə "Financial Times” yazır.

"600 Avropa qrupunun illik hesabatları və 2023-cü il üzrə maliyyə hesabatlarının sorğusu göstərir ki, 176 şirkət Rusiya müəssisələrinin satışı, bağlanması və ya azalması nəticəsində aktivlərin dəyərsizləşməsini, valyuta ilə bağlı ödənişləri və digər birdəfəlik xərcləri qeydə alıb. Məcmu rəqəmə müharibənin daha yüksək enerji və əmtəə xərcləri kimi dolayı makroiqtisadi təsirləri daxil deyil", deyə FT yazıb.

Ən böyük ziyanı BP, "Shell" və "TotalEnergies" çəkib - 40,6 milyard avro. Sənaye şirkətlərinin, o cümlədən avtomobil istehsalçılarının itkiləri 13,6 milyard avro təşkil edib.

"Banklar, sığortaçılar və investisiya firmaları da daxil olmaqla maliyyə şirkətləri silinmə və digər ödənişlərdə 17,5 milyard avro qeyd ediblər", FT bildirib.

Paşa Məmmədli