Bu həftənin ilk günündə neftin qiymətində enmə müşahidə edilir. Ucuzlaşma nəticəsində "Brent” neftinin qiyməti 70 dollardan da aşağı düşüb. 

Valyuta.az Sfera.az-a istinadən bildirir ki, neftin ucuzlaşmasına Çinin iqtisadi göstəricilərindəki dəyişiklik səbəb olub. 

İyulda Çinin emal sənayesində artım sürəti zəifləyib, eyni zamanda iqtisadi artımın yavaşladığı görünüb. Bu məlumatların açıqlanmasından sonra "Brent” nefti 1 faizdən çox ucuzlaşıb. 

Çində xam neft emalı da keçən ay, 2020-ci ilin may ayından bu yana ən aşağı gündəlik səviyyəsinə düşüb. Dünyanın ən böyük neft idxalçısı olan Çində mühüm iqtisadi göstəricilərin zəifləməsi neft bazarındakı qiymətlərə mənfi təsir göstərib.