Vergi borcu olan şəxslərin vergi borcu əmlakına yönəldilə bilərmi?

Valyuta.az bu barədə vergi məsələləri üzrə ekspert Nahid Tağıyevin şərhini təqdim edir: 

“Fiziki və hüquqi şəxsin vergi borcu mövcuddursa, bu halda, vergi orqanı həmin şəxsin əmlakını siyahıya ala bilər.Siyahıya alma prosesi bitdiktən sonra 30 gün ərzində vergi borcu ödənilmirsə, vergi orqanı məhkəməyə müraciət edir. Məhkəmənin müvafiq qətnaməsi əsasında siyahıya alınmış əmlakın hərracda və ya ticarət şəbəkələrində satılmasını təşkil edə bilər. 

Nəzərinizə çatdıraq ki, hüquqi şəxsin vergi borcuna görə yalnız hüquqi şəxsin əmlakı siyahıya alına bilər. Yəni müəsisənin direktorunun və ya təsisçisinin əmlakı siyahıya alına bilməz. Amma fiziki şəxsin vergi borcu mövcud olduqda həmin vergi borcu fiziki şəxsin bütün mülkiyyətində olan əmlakına yönləndirilə bilər”.

Əvəz Həsənov