“Sığorta şirkətlərinin mənfəətlə işləməsi üçün onların yığımının ödənişlərindən daha çox olması lazımdır”

Bu sözləri Valyuta.az-a sığorta məsələləri üzrə ekspert İlkin İbrahimov “sığorta şirkətləri mənfəətlə işləmək üçün nə etməlidir” sualına cavab olaraq bildirib. 

Ekspert bildirib ki, mənfəət əldə etməkləri üçün  sığorta şirkətlərinin bağladığı sığorta müqavilələrinin sayı daha çox olmalıdır:

“Bir şirkətin daha çox sığorta müqaviləsi varsa, bu da o deməkdir ki, sığorta yığımlarınız daha çoxdur. Amma bu hələ mənfəət demək deyil. Çünki eyni zamanda bu həm də hadisə risklərinin  artmış olması deməkdir. Həmin o riskləri də bölüşdürmək üçün təkrar sığortalar var. Onun bir hissəsi təkrar sığorta şirkətinə ötürülür və sığorta hadisəsi olsa şirkətlər o ödənişi birdən-birə ödəmir. Təkrar sığorta da həmin məbləğin bir hissəsini qarşılayır”. 

İlkin İbrahimov əlavə edib ki, sığorta şirkətlərinin mənfəətinin daha çox, ziyanının daha az olması ilə bağlı ən böyük məsuliyyət aktuarilərin üzərinə düşür:

“Aktuarilər müştəri cəlb edəndə əvvəldən müəyyən etməlidirlər ki, orda sığorta hadisəsi baş. Verməsinin riski nə qədərdir. Əgər bunu əvvəldən müəyyən edə bilir və doğru seçim edə bilirlərsə, bu zaman şirkətlər də mənfəətlə işləmiş olur”. 

Ekspert əlavə edib ki, buna baxmayaraq, sığorta şirkətlərinin aktuariləri mənfəəti hesablayanda riskləri əvvəldən nəzərə almalıdır:

“Məsələn, sığorta şirkəti tutaq ki, dəyəri 50 manat olan bir kasko məhsulu yaradır, amma sığorta hadisəsi baş versə 5000 manat ödəniş edəcəyini deyir.. Bu zaman sığorta şirkətlərinin aktuariləri elə analiz etməlidirlər ki, proqnoz doğru çıxsın. Onlar müəyyən etməlidirlər ki, yaradılan sığorta məhsulunun zərəri və xeyri nədir? Çünki bütün bunlar sığorta şirkətinin gəlirlərinə təsir edə bilər. Şirkətlərin satış agentləri yaxşı olanda onlara geri qayıdış olaraq sığorta hadisələrinin baş verməməsi ilə bağlı daha çox mənfəət əldə edəcək.  Elə aktuarilər olur ki, onlar riskləri daha yaxşı müəyyən edə bilir. Ancaq hadisədir, baş verəndə baş verir”. 

Hazırda sığorta bazarında şirkətlərə mənfəətdən çox zərər gətirən sığorta məhsulları haqqında da danışan ekspert bildirib ki, sığorta bazarında ən zərərli sığorta  məhsulu aqrar sığorta,əen xeyirli sığorta məhsulu isə daşınmaz əmlakın icbari sığortası üzrə olanlardır:

“Rəsmi statistikalara görə daşınmaz əmlak daha çox sığortalanır, lakin daha az ödəniş olunur. Bu da şirkətlərə daha çox mənfəət gətirir”.  

Davud