“Türkiyədə baş tutan bələdiyyə seçkilərinin lirəyə təsir etmə imkanı yoxdur”.

Bunu Valyuta.az-a iqtisadçı Rauf Qarayev Türkiyədə baş tutan bələdiyyə seçkilərinin lirənin dəyərinə təsirləri haqqında danışarkən deyib.

 İqtisadçı bildirib ki, bələdiyyə strukturu xidmət sahəsidir və onun iqtisadiyyata təsiri bir o qədər də yoxdur: 

“Biz əgər bazarın  gedişatına və Mərkəzi Bankın siyasətinə  ümumi baxsaq, görərik ki, lirənin dəyəri ilə bağlı başqa hallar əsas götürülür. Çünki inflyasiya prosesi bazarla tənzimlənir. Qiymət qalxması-enməsi birbaşa olaraq sahibkarlıq subyektlərinə aiddir.  Türkiyədə keçirilən bələdiyyə seçkilərindən sonra tarifləri artırıb, azalda bilərlər, hansısa xidməti əlavə edib, sahibkarlara müxtəlif şərait yarada bilərlər. Ola bilsin ki, müəyyən qədər sahibkarlara xırda xidmətlər təklif edilsin. Buna görə də mən gözləmirəm ki, türk lirəsinə bələdiyyə seçkilərinin təsiri olsun.

Bildiyimiz kimi Avropada daha çox indiki müxalifəti namizəd görürdülər. Real olaraq onları dəstəkləyirdilər. Bu proses də müəyyən qədər daxili siyasətdə, iqtisadiyyatın özündə yumşalmaya gətirib çıxara bilər. Sanksiyalar baxımından da ola bilsin Türkiyəyə qarşı bir yumşalmalar olsun”. 

Davud