“Etiketlərdə bəzi ərzaq məhsullarının tərkibində qatqı maddələrinin göstərilməməsi məsələsi araşdırılmalıdır. İstehlakçılar üçün onların tərkibi aydın şəkildə yazılmalıdır”.

Bunu Valyuta.az-a açıqlamasında iqtisadçı ekspert Vahid Məhərrəmli deyib. Ekspert bildirib ki, istehlakçı ticarət obyektinə üz tutanda aldığı məhsulla bağlı tam məlumatlı olmalıdır:

“Məhsulların etiketlərində göstərilən məlumatları aydın şəkildə başa düşməyən insanlar var. İstehsalçı şirkətin borcudur ki, tam ətraflı, geniş şəkildə alıcıya almaq istədiyi məhsul haqqında məlumat versin. Əgər orada göstərilən məlumatlar istehlakçını qane etmirsə, satışı həyata keçirən ticarət obyektində məhsul haqqında  geniş məlumat olmalıdır”.

Vahid Məhərrəmli qeyd edib ki, həmçinin məhsullarla bağlı keyfiyyət sertifikatı da olmalıdır:

“İstənilən məhsulla bağlı çoxlu sənədlər var. Həmin məhsullar ticarət obyeklərinə sənədlə birlikdə təqdim edilməlidir”.

Aylin