“Türkiyə hakimiyyəti seçkinin nəticələrindən doğru-dürüst nəticə çıxararaq iqtisadiyyatda baş verən hadisələrin pozitiv məqamlara doğru daha sürətlə dəyişməsinə çalışan qərarlar ala bilər”.

Bunu Valyuta.az-a açıqlamasında iqtisadçı ekspert Natiq Cəfərli Türkiyədə keçirilən bələdiyyə seçkilərinin iqtisadiyyata təsirlərindən danışarkən deyib. Ekspert Türkiyə cəmiyyətində böyük narazılıqların olduğunu vurğulayıb:

“Əsas narazılıq da iqtisadiyyatdandır, qiymət artımı, inflyasiya. Pozitiv siqnallar var. Türkiyədə demokrativ seçkilər keçirilib. İqtidar da bu seçkilərdən öz nəticələrini çıxaracaq. Çıxarmasa mümkün deyil. Türkiyəyə qarşı anti-demokratik ab-havanın dağılmasında, beynəlxalq imicin yaxşılaşmasında ciddi rolu olacaq”.

Natiq Cəfərli onu da bildirib ki, Türkiyədə keçirilən bələdiyyə seçkilərinin dövlət və hökumət siyasətinə birbaşa təsir etmir:

“2023-cü ildə həm prezident, həm də parlament seçkilərində  indiki iqtidar partiyası qalib gəlib. Onun komandası da hakimiyyəti ən azından 2028-ci ilə kimi əlində saxlayacaq. Amma bu seçkilər hakim partiyaya bir mesaj verdi”. 

Aylin