"Bəzi bankların bazardan çıxmasından sonra ölkədəki bank sistemini dayanıqlı və dözümlü adlandırmaq olar"
“S&P Global Ratings” beynəlxalq reytinq agentliyi Qafqaz və Mərkəzi Asiya ölkələrində, o cümlədən Azərbaycanda bank aktivlərinin kefiyyətinin davamlı qalacağını açıqlayıb.
Valyuta.az xəbər verir ki, bu barədə reytinq agentliyinin region ölkələri üzrə proqnozunda bildirilib. "Ermənistan, Azərbaycan, Gürcüstan, Qazaxıstan və Özbəkistanda bank performansının 2024-cü ildə aşağı ikirəqəmli kredit artımı və gəlirlilik və kapital göstəricilərini dəstəkləyən sabit aktiv keyfiyyəti ilə davamlı qalacağını gözləyirik. İqtisadi artım üçün əlverişli perspektivlər, kreditlərə yüksək tələbat, xüsusilə pərakəndə satış, yaxşı maliyyələşdirmə və likvidlik göstəriciləri, eləcə də sabit gəlirlilik 2024-cü ildə bankların kredit reytinqlərini dəstəkləyəcək.
Mövzu ilə bağlı Valyuta.az-a açıqlamasında iqtisadçı ekspert Natiq Cəfərli bildirir ki, bəzi bankların bazardan çıxmasından sonra ölkədəki bank sistemini dayanıqlı və dözümlü adlandırmaq olar:
“Azərbaycanda son illər bank sisteminin sağlamlaşdırılması və dayanıqlığının artırılması üçün bir sıra addımlar atılıb. Lakin Azərbaycan bank sistemi Qazaxıstan bank sistemindən hələ də zəifdir. Çünki bu ölkədə bankların ümumi kapitalı 100 milyard dollar civarındadır. Onlarda kifayət qədər böyük və genişləndirilmiş bank sistemi var. Lakin artıq Azərbaycanda da dayanıqlıq, problemli bankların bazardan çıxması ilə bağlı bir çox addımlar atılıb.
Azərbaycanda bu sektorda əsas problem bank sisteminin 75 faizinin 5 bankın əlində cəmləşməsi məsələsidir. 5 bank bank sisteminin dörddə üçünə nəzarət edir. Bu isə rəqabətli mühitlə bağlı müəyyən problemlər yaradır. Kiçik bankların bazarda ayaqda qalmasına şübhələr yaradır. Amma indiki şəraitdə bəzi bankların bazardan çıxmasından sonra bank sistemini dayanıqlı və dözümlü adlandırmaq olar. Hələlikdə bütün bank sisteminə sirayət edəcək problemlər yox dərəcəsindədir”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay