Bir çox iş axtaran üçün yeni ümid yeri - İşəgötürənlər öz vakansiyalarını gizlədə bilməyəcəklər
İqtisadçı Rauf Qarayev yazır.
18 mart 2024-ci il tarixindən artıq işəgötürənlər öz vakansiyalarını gizlədə bilməyəcəklər.
Misal: "A" MMC-də mühasib vəzifəsi üzrə boş vakansiya yaranıb. 19 mart 2024-cü il tarixdə həmin vakansiya üzrə Əhmədov Əhməd Akif oğlunu işə götürüb əmək müqaviləsi bağlayır. ƏMAS alt sisteminə onun qeydlərini daxil etmək istədikdə, bu texniki baxımdan mümkün olmayacaq. Bunu etmək üçün vakansiya elan olunduqda, əvvəl bu barədə məlumatı Məşğulluq Alt sisteminin vakansiya bankına daxil etməlidir.
Məşğulluq haqqında qanunun 18.3 maddəsinə əsasən.
1. Əgər "A" MMC-də yeni vakansiya yaranırsa, o bu haqqda məlumatı vakansiya yarandığı gün Məşğulluq Alt sisteminin vakansiya bankına daxil etməlidir.
2. Vakansiya üzrə iş yeri boşalırsa, ən geci 5 iş günü müddətində əməkhaqqı göstərilməklə bu barədə məlumatı Məşğulluq Alt sisteminin vakansiya bankına daxil etməlidir.
5 İş günü məsələsinə gəldikdə, bir çoxları bunu təqvim günləri eyni hesab etməsin. İş günü və təqvim günü bir-birindən fərqli anlayışlardır. Misal üçün martın 19 vakansiya elan olunur. "A" MMC bu haqqda məlumatı 19 mart tarixində Məşğulluq Alt sisteminə daxil edir. "A" MMC-də həftəlik iş günü 5 (beş) gündür. 23 və 24 mart şənbə və bazar günlərinə təsadüf etdiyi üçün 25 və 26 mart (bazar ertəsi və çərşənbə axşamı) qeyri-iş günləri olacaq.
Novruz Bayramı ilə əlaqədar ardıcıl olaraq martın 20, 21, 22, 23, 24, 25 və 26-da iş günü olmayacaq. 19 mart bir iş günü, 27, 28, 29 mart üç iş günü, 1 aprel bir iş günü. Ümumilikdə 5 (beş) iş günü hesab olunur. 2 aprel tarixindən "A" MMC elan olunmuş vakansiya üzrə, yeni işçini işə götürə bilər.
P.S. Hesab edirəm ki, bu qərar bir çox iş axtaranlar yeni ümid yeridir. Artıq işə götürən üçün, vakansiyanı gizlətmək çərçivəsi daralacaq.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay