"Yükdaşımalara iqtisadi aktivlik təsir göstərir"
“Alternativ yoxdur, hamısı hava nəqliyyatı ilə həyata keçirilir. Yükdaşımalara iqtisadi aktivlik təsir göstərir”.
Bunu Valyuta.az-a açıqlamasında iqtisadi ekspert Xalid Kərimli Azərbaycanda hava nəqliyyatı ilə yük və sərnişin daşınmalarının artması ilə bağlı məlumata aydınlıq gətirərkən deyib. Ekspert 2024-cü ildə iqtisadi aktivliyin daha sürətli olduğunu əlavə edib:
“Yanvar-fevral ayında iqtisadi artım 5% olub. Qeyri-neft sektorunda iqtisadi aktivlik 10% üzərində olub. Ötən il yanvar-fevral aylarında iqtisadiyyat böyümürdü, əksinə kiçilirdi.İkincisi, ölkənin quru sərhədləri bağlı olduğuna görə, alternativ yol yoxdur. Sərnişin daşınmasında olan statistikalar, AZAL-ın son bir ildə mənfəətli işləməsinin əsas səbəbləri də səyahət edənlərin xərclərinin artmasının hesabınadır”.
Ekspert bunun əsas səbəblərdən birinin bu il Azərbaycanda çoxlu beynəlxalq tədbirlərin keçirilməsidir:
“Eyni zamanda ötən illə müqayisədə insanlada pandemiya şoku yoxdur, yenidən səhayət vərdişləri formalaşıb. İnsanların bu vərdişlərinin bərpası xeyli zaman aldı. Bunun özünün də daşımalara təsir etdi”.
Qeyd edək ki, Azərbaycanda hava nəqliyyatı ilə yük və sərnişin daşınmaları artıb.
Azərbaycanda bu ilin yanvar-fevral aylarında hava nəqliyyatı ilə 493,7 min və ya 48,4 faiz çox sərnişin daşınıb.
Aylin
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay