Ekspert: Türkiyənin 50 faizlik kəskin faiz artımına gedəcəyi şübhəlidir
Dünyanın aparıcı maliyyə xidmətləri qurumlarından olan "Deutsche Bank" Türkiyədə inflyasiya dinamikasının pisləşməsi ilə əlaqədar olaraq faiz dərəcəsi proqnozunu yenidən nəzərdən keçirib.
Bank, Türkiyə Mərkəzi Bankının (TCMB) mart ayında keçirilən iclasında 5 bənd faiz artırmasının "yüksək ehtimal" olduğunu və faiz dərəcəsinin 45 faizdən 50 faizə yüksələ biləcəyini gözləyir. Görəsən, bu nə dərəcədə realdır?
Valyuta.az-a açıqlama verən iqtisadçı ekspert Natiq Cəfərlinin fikrincə, Türkiyənin 50 faizlik kəskin faiz artımına gedəcəyi şübhəlidir:
“Türkiyə Mərkəzi Bank son zamanlar faiz artımını onsuz da kifayət qədər yüksək həddə çatdırıb. Çünki hələlik nə inflyasiya, nə də lirənin dəyərdən düşməsinin qarşısını almaq mümkün olmur. Pandemiya dövründə kütləvi şəkildə dövriyəyə buraxılan türk lirəsi pul kütləsini xeyli artırdı. Bu da öz növbəsində inflyasiya basqılarını yüksəltdi. Türkiyənin əslində 50 faizlik kəskin faiz artımına gedəcəyi şübhəli görünür. Çünki 50 faizlik uçot dərəcəsi kredit faizlərinin də hardasa azı bu civarda olması anlamına gəlir. Hansı ki, bu civarda olan kredit faizlərilə iqtisadiyyatı inkişaf etdirmək mümkünsüzdür. Biznes kreditlərinin də faizi bu həddə olacaqsa, belə vəziyyət yeni iş yerlərinin yaranmasına, iqtisadi aktivliyə ciddi mənfi təsir göstərəcək. Türk lirəsinin dəyərdən düşmə sürəti azalsa da, hələ də bu proses davam edir. Amma istənilən halda, uçot dərəcəsində bu qədər kəskin artımın olması o qədər də inandırıcı görünmür. Uçot dərəcəsi artacaqsa. Bu 1-2 faiz civarında ola bilər”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay