“Xalq Həyat Sığorta”nın 2024-cü ilin yanvarında sığorta ödənişlərinin məbləği  254 min manat olub.

Valyuta.az Mərkəzi Banka istinadən xəbər verir ki, bu, 2023-cü ilin yanvarı ilə müqayisədə 51,8%, yaxud da 273 min manat azdır. 2023-cü ilin yanvarında "Xalq Həyat Sığorta”nın sığorta ödənişlərinin məbləği 527 min manat olub. 

“Xalq Həyat Sığorta”nın 2024-cü ilin yanvarında ötən ilin anoloji dövrü ilə müqayisədə sığorta ödənişlərinin məbləği niyə azalıb?

Valyuta.az-a açıqlamasında bank-maliyyə eksperti Əkrəm Həsənov bildirir ki, sığorta ödənişləri üzrə məbləğin azalması şirkətin ehtiyatlı, düşünülmüş strategiyasının nəticəsidir:

“Burada iki variant ola bilər. Ya sığorta şirkəti müştərilərini seçərkən çox ehtiyatlı davranır. Elə müştəriləri seçir ki, sığorta hadisələri az olsun. Ya da sığorta hadisələri baş verəndə imkan daxilində çalışırlar ki, sığorta ödənişlərindən yayınsınlar. Bir sözlə, bu, o deməkdir ki, “Xalq Həyat Sığorta”nın sığorta hadisələri azalıb”. 

Ramiz