“Azərbaycanda insan hüquqlarının böyük həcmdə və kütləvi şəkildə təmin olunmaması daşınmaz əmlak sahəsi ilə bağlıdır. Belə ki, qeydiyyat problemi yaşayan şəxslər hüquqlarının təmin olunmasını tələb edirlər. Bu şəxslər isə kifayət qədər çoxdur. Bu aktual məsələdir”.

Bunu Valyuta.az-a açıqlamasında əmlak eksperti Elnur Əsədov deyib.

Ekspert hazırda 500-700 min qanunsuz tikilinin olmasını qeyd edib:

“Kəndlərdə olan tikililəri hesablasaq, bu rəqəm 2 milyona yaxın çıxacaq. Son illərdə kəndlərdə kənd təsərrüfatı təyinatlı torpaqlarda çox evlər inşa olunub. Kənd yerlərində adətən vətəndaşların çıxarışları olmur”.

Elnur Əsədovun sözlərinə görə, hazırda bu istiqamətdə hüquqlarının təmin olunmasını tələb edən şəxlərin çoxu Bakı şəhəri və onun ətrafında salınmış ərazi və qəsəbələrdə evləri olan şəxslərdir:

“Onların hər biri rayon və kəndlərdə qeydiyyatdadır. Həmin evlərdə sənədləşmə olmadığından vətəndaşların mülkiyyətləri tanınmır, eyni zamanda qeydiyyata da düşə bilmirlər”.

Aylin