3 uşaqdan yuxarı ailələrə uşaq pulunun verilməsi və pensiya yaşında müəyyən güzəştlərin edilməsi stimullaşdırıcı amildir.

Bunu Valyuta.az-a iqtisadçı ekspert Fuad İbrahimov deyib. Ekspert bu qərarın 110 mindən çox ailəyə şamil olunacağını vurğulayıb:

“Əhalinin artım tempini də hardasa stimullaşdıracaq bir təklifdir. İqtisadi cəhətdən inkişaf edən ölkələrdə bu qəbildən olan layihələr var. Məsələn, uşaq pulu kimi əhalinin sayının stimullaşdırılması istiqamətində proqramlar var. Hər bir halda Azərbaycan maliyyə nöqteyi nəzərindən dayanıqlı dövlətdir”.

Fuad İbrahimovun fikrincə, bu təklifin həyata keçirilməsi vətəndaşların sosial həyatına birbaşa pozitiv ruhda təsir edəcək.

Qeyd edək ki, deputat Vüqar Bayramov təklif edib ki, 3-dən çox uşağı olan ailələrə müavinətin verilməsi və pensiya yaşında güzəştin edilməsi məqsədəuyğun olardı. Hazırda 110 min ailədə 4 və daha çox uşaq var.

Aylin