“Taxılın idxal qiyməti son illərin ən aşağı həddinə düşüb”
“Taxılın idxal qiyməti son illərin ən aşağı həddinə çatıb”.
Bunu Valyuta.az-a açıqlamasında iqtisadçı ekspert Cəfər İbrahimli deyib. Onun sözlərinə görə, əmtəə birjalarında qiymət düşdüyündən idxal qiymətinin düşməsi normaldır:
“Ötən il bizim qonşu ölkələrdən, xüsusi ilə də Rusiyada məhsul istehsalı artıb. Bundan əlavə Türkiyədə də ciddi artım vardı. Bu mənada dünyada pandemiyadan sonrakı dövr üçün taxılın qıtlıq qorxusu ortadan qalxıb. Hesab edirəm ki, bu tənzimləmə çərçivəsində taxılın qiyməti normala doğru gedir”.
İdxalın həcminin artmasına gəlincə, Cəfər İbrahimli qeyd edib ki, Azərbaycan bu şəkildə bir milyon 100 min civarında illik ərzaqlıq buğda idxal edir:
“Biz ərzaq buğdası ehtiyacını bu şəkildə qonşu ölkələrdən qarşılayırıq, taxılla bağlı idxaldan ciddi şəkildə asılılıq var. Bu mənada Azərbaycanda əlavə suvarılan ərazilərdə, subsidiyaların verilməsi ilə daha keyfiyyətli ərzaq buğdasının yetişdilməsi planlaşıdrılır. Son iki ildə bununla bağlı tədbirlər görülür. Dolayısı ilə idxalın çox az hissəsi Qazaxıstandan, əsas hissəsi isə Rusiyadan gətirilir”.
Qeyd edək ki, Azərbaycanın idxal etdiyi buğdanın qiyməti 24% azalıb. 2024-cü ilin yanvar ayında Azərbaycana 16 milyon 283 min dollar dəyərində 70 min 145 ton buğda idxal edilib. Dövlət Gömrük Komitəsinin məlumatına görə, bu göstərici ötən ilin eyni dövrü ilə müqayisədə həcm baxımından 2 dəfə və ya 72 min 510 ton, məbləğ baxımından isə 2.7 dəfə və ya 27 mln. 140 min dollar çoxdur.
Aylin
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay