"Ötən illə müqayisədə siqaretlərin qiymətində 20%-dən çox artım müşahidə olunur"
“Düşünürəm ki, bu siqaretin qiymətinin qalxması ilə əlaqədardır”.
Bunu Valyuta.az-a açıqlamasında iqtisadçı ekspert Eyyub Kərimli Azərbaycana idxal edilən tütün və tütün məmulatlarının dəyərinin azalmasından danışarkən deyib. Ekspert hər 6 aydan bir siqaretlərin aksiz dərəcəsinin artdığını qeyd edib:
“Bu da siqaretlərin qiymətinin artmasına gətirir. Ötən ildən müqayisədə siqaretlərin qiymətində 20%-dən çox artım müşahidə olunur. Sözsüz ki, siqaret istehlakı azalır”.
Eyyub Kərimli hesab edir ki, qiymətlər bahalaşdıqca insanlar siqaret çəkməsi vərdişindən uzaqlaşır:
“İnsanlar yəqin ki, daha sağlam həyat tərzi seçərlər”.
Qeyd edək ki, Dövlət Gömrük Komitəsinin məlumatına görə, cari ilin yanvarında Azərbaycana 8 290.26 min ABŞ dolları dəyərində tütün və tütün məmulatları idxal edilib. Bu, ötən ilin müvafiq dövrü ilə müqayisədə dəyər ifadəsində 40.2 faiz azalma deməkdir.
Aylin
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay