Kredit faizləri necə aşağı salına bilər? – Təklif
Bankların verdiyi kreditlərn faiz dərəcəsinin aşağı salınması ilə bağlı məsələlər sistemli şəkildə həyata keçirilə bilər.
Bu sözləri Valyuta.az-a bank məsələləri üzr ekspert Əkrəm Həsənov kreditlərin faiz dərəcələrinin optimallaşdırılması haqqında danışarkən deyib.
Ekpsertin sözlərinə görə, kreditlərin faiz dərəcələrinin optimallaşdırılması dedikdə, bu faizlərin ən uyğun şəkildə müəyyən edilməsi nəzərdə tutulur:
“Yəni, kredit faizləri ucuzlaşdırılmalıdır. Bəs burda ən uyğun şəkildə deyiləndə hansı tərəf nəzərdə tutulur, ona baxmaq lazımdır. Əgər bu optimallaşdırma müştərlilər üçün nəzərdə tutulursa, kreditlərin faiz dərəcəsi azaldılmalıdır. Amma necə baş verəcək, ona baxmaq lazımdır. Banklar bunu ancaq öz xoşları ilə edə bilər. Onları kredit faizlərini aşağı salmağa məcbur etmək olmaz”.
Həmsöhbətimiz deyib ki, bu məsələni yenidən tənzimləmək üçün qanun olmalıdır:
“Qanunu isə Milli Məclis qəbul edir. Layihə hazırlanmalı, ictimaiyyətə təqdim edilməlidir, insanlar da bilməlidir ki, bu faiz dərəcələri necə optimallaşdırıla bilər”.
Əkrəm Həsənov deyib ki, banklar isə hələlik kredit faizlərini aşağı endirməyi düşünmür:
“Bunun isə səbəbləri var. Çünki kreditlərin faiz dərəcəsi optimallaşdırılarsa, bank da qoyulan əmanətlərin faiz dərəcələrini aşağı endirsin. Bank əmanəti daha yuxarı faizlə cəlb edirsə, bu faizlər aşağı deyilsə, təbii olaraq, kredit faizləri də ucuzlaşmayacaq.
Qorunan əmanətin faizi 12-dir, bunu da Milli Məclisin qəbul etdiyi qanun layihəsi ilə səlahiyyət verilən Əmanətlərin Sığorta Fondu müəyyən edir. Bu halda yaxşı olar ki, qanun layihəsinə dəyişiklik edilsin, faizlər aşağı salınsın. Belə olarsa, kredit faizləri də aşağı düşər. Yox, əgər biz desək ki, kredit faizləri aşağı düşsün, amma əmanətlərin faizi olduğu kimi qalsın, bu isə daha çox populist çıxış olar. Bütün məsələlər sistemli təşkil edilməlidir”.
Davud
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay