Azərbaycanın daxili borcu niyə artıb? - Ekspert
2023-cü il yekunlarına olan məlumata əsasən, Azərbaycanın xarici dövlət borcu 6,5 milyard dollar və ya 11 milyard manat təşkil edib. Bu, Ümumi Daxili Məhsulun (ÜDM) 9 faizini təşkil edir. 2023-cü il 1 yanvar tarixinə olan göstəricisi ilə müqayisədə xarici dövlət borcunun məbləği mütləq ifadədə 212,5 milyon dollar azalıb.
Bu müddət ərzində daxili dövlət borcu isə 11,6 milyard manat artaraq 15,8 milyard manata çatıb. Belə ki, ötən ilin əvvəlində Azərbaycanın daxili dövlət borcu 4.2 milyard səviyyəsində idi. İlin sonunda bu rəqəm 11.6 milyard manat və ya 3.8 dəfə artıb.
Valyuta.az-a açıqlama verən iqtisadçı ekspert Natiq Cəfərli bildirib ki, daxili borcun artması elə də təhlükəli hal deyil:
"Burada ən maraqlı məsələ ondan ibarətdir ki, daxili borcun mənbələri və formaları haqqında ciddi məlumatlar verilmir. Bu barədə daha detallı məlumatların verilməsi mütəxəssis olaraq bizlər üçün də maraqlıdır. Klassik iqtisadi nəzəriyyəyə görə, daxili borcun artması daha az təhlükəli hal hesab edilir. Amma onun hardan qaynaqlandığı, necə formalaşdığı ilə bağlı rəsmi qurumların daha detallı məlumat verməsi daha yaxşı olardı".
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay