Satışda qiyməti 20-25 qəpik olan kənd yumurtaları adı altında satılan yumurtalar var. Hazırda bəzi rayonlarda kənd yumurtasını isə ən ucuz halda 0.30 qəpiyə almaq olur.

Bəs bu yumurtaları necə seçə bilərik? 

Valyuta.az-a danışan qida mütəxəssisi Ağa Salamov deyir ki, kənd yumurtası var, amma çox azdır.  Bu yumurtaların istehsalı bütün Azərbaycanı təmin etməyəcək səviyyədədir:

 “Deyirlər 20-30 qəpiyə kənd yumurtası satırıq, amma fikir versək görərik ki, kənd yumurtası adı altında satılan yumurtaların hamısı standartdı, broyler toyuğunun yumurtası kimi. Amma əsl kənd yumurtası elə olmamalıdır. Əsl kənd yumurtasını yaşından asılı olaraq müxtəlif toyuqlar yumurtladığına görə həmin yumurtaların ölçülərində də fərq olur. Ona görə də əsl kənd yumurtalarının ölçülərinə diqqət edəndə də bu fərqi görmək olur. 

Qida mütəxəssisi deyir ki, bu yumurtalar standart olmur:

“Əsl kənd yumurtalarını əvvəllər bibilər vedrədə qoyub Təzə bazarda, Pasaj bazarında Kömürçü bazarında satırdılar. O zaman mən də uşaq idim. Yumurtalara baxırdıq ki, standart deyil. Həmin yumurtaların üstündə tükdə, toyuqlara aid başqa artıqlar da olurdu. Bilinirdi ki, bunlar kənd yumurtasıdır. Amma indi  kənd yumurtası adı altında satılanlar hamısı standartdı. Bu yumurtalar hamısı eyni rəngdədi. Halbuki birinin rəngi açıq sarı, digərinin rəngi tünd sarı, olmalıdır. Elə kənd toyuğu ola bilər ki, yumurtasının rəngi ağ ola bilər. Kənd yumurtasını sındıranda görürük ki, onun sarısı ağ olmur, tünd sarı olur. Bu yumurtaları yeyəndə dadında insanın beyninə ləzzət ehtiva edən siqnal gedir. O zaman bilirsən ki, sənin yediyin mədə-bağırsaq tərəfindən xoş qarşılanan, ləzzətin, dadın siqnalını beyinə ötürən bir məhsuldur. Bu yumurtanı yeyən ağzının dadını bilən insanlar bilir ki, bu yumurlara nədir”. 

Davud