Azərbaycanda gəlir bəyannaməsinin tətbiqi niyə zəifdir? (ŞƏRH)
"Azərbaycanda hələ 2005-ci ildə gəlirlərin qəbul edilməsi ilə bağlı qanun qəbul edilsə də, bu qanunun tətbiq mexanizmi zəif işləyir".
Bu sözləri Valyuta.az-a hüquqşünas Əkrəm Həsənov deyib.
Əkrəm Həsənov bildirib ki, hətta Azərbaycan bununla Birləşmiş Millətlər Təşklilatının eyniadlı konvesiyasına qoşulub. Bu konvensiya ilə üzərimizə götürmüşük ki, Azərbaycanda bütün məmurlar gəlir bəyannaməsini verməlidir:
"Bu qanunda bütün məsələlər qeyd edilib. Yəni bu gəlir bəyannaməsi hansı dövrülüklə verilməlidir, hansı məmurlar hansı orqana məlumat verməlidir, bu məlumatlarda nə qeyd edilməlidir və s. Hətta burda yazılıb ki, təkcə məmurlar yox, onların ərləri, arvadları, övladarı, onlarla birgə yaşayan qohumları gəlir bəyannaməsi verməlidir. Lakin bu bəyannamə verilmir. Çünki həmin qanunda qeyd edilmişdi ki, Nazirlər Kabineti bu bəyannamənin formasını təsdiqləməlidir. Yəni bəyannamənin məzmunu qanunda var, forması isə yoxdur. Bunu isə Nazirlər Kabineti 19 ildir etmir".
Hüquqşünas deyib ki, Azərbaycanda həm məmurların, həm adi vətəndaşların gəlir bəyannaməsi verməsi Azərbaycanın beynəlxalq öhdəliyidir:
“Lakin dövrü olaraq bu məlumatlar ona görə verilmir ki, biz məmurların gəlir bəyannaməsindəki məlumatları sorğulaya biləcəyik. Bəyan etdiyi gəlir ilə həyat tərzi üst-üstə düşməsə, deyəcəyik ki, bu pul səndə hardandır və s. Onlar isə bu suala cavab verə bilməyəcək. Ona görə də məmurlar bu bəyannəmınin tam icra mexanizmini təsdiq edilməsinə imkan vermir.
Məmurlara aid belə bəyannamə olmadığına görə, bunu sıravi vətəndaşdan da soruşa bilmirlər. Çünki vətəndaş da haqlı olaraq deyəcək ki, siz niyə bunu məmurdan yox məndən soruşursunuz”.
Davud
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay