Xaricə çay satışının azalma səbəbləri
Dövlət Gömrük Komitəsinin məlumatına görə, Azərbaycan keçən il 731.5 ton çay ixrac edib.
Bu isə 2022-ci ilə müqayisədə 59%, yaxud da 1048 ton azdır. 2022-ci ildə 1 779 ton çay ixrac olunub.
2023-cü ildə ölkəmizə 13 675 ton çay idxal olunub. Bu 2022-ci ilə müqayisədə 5% və ya 730 ton azdır. 2022-ci ildə bu, 14 406 ton olub.
Valyuta.az-a açıqlamasında iqtisadçı ekspert Fuad İbrahimov bildirir ki, çay ixracı və idxalının azalması yerli istehsalın azalması və onun da əsasən daxili bazarda istehlak edilməsilə bağlıdır:
“Çay ixracının azalmasına rəğmən idxalın da azalması o deməkdir ki, yerli çaydan istifadə halları kifayət qədər genişlənib. Əvvəllər Azərbaycanda daha çox brend çaylardan istifadə olunurdusa, hazırda isə əhalinin əksər hissəsi yerli istehsal çaylara üstünlük verir. Deməli, yerli istehsala daxili bazarda tələbat artıb. Ona görə də çay idxalında azalma baş verir. Gələn il çay idxalında azalma daha da artacaq.
Amma çay ixracının azalması ciddi problemin olmasından xəbər verir. İxracın azalması istehsal edilən daxili məhsulun azalmasının və onun da əsasən yerli bazarda istehlak edilməsinin nəticəsidir”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay