"Görünür, “Bank Respublika” hardansa daha ucuz qiymətə pul əldə edib"
Xəbər verdiyimiz kimi, “Bank Respublika”nın kredit təşkilatları və digər maliyyə institutları qarşısında öhdəliklərinin məbləği 2023-cü il ərzində 420 milyon 319 min manat olub.
Belə ki, “Bank Respublika”nın kredit təşkilatları və digər maliyyə institutları qarşısında öhdəliklərinin məbləği 2023-cü ildə 2022-ci il ilə müqayisədə 41 milyon 656 min manat, yaxud da 11% artıb.
“Bank Respublika”nın aktivlərinin məbləği 2 milyard 130 milyon 976 min manat olub, bu illik müqayisədə 34,4%, yaxud da 546 milyon 119 min manat çoxdur.
O cümlədən, “Bank Respublika”nın 2023-cü ildə öhdəliklərinin məbləği 1 milyard 975 milyon 217 min manat olub. Bu, 2022-ci illə müqayisədə 34,6% çoxdur.
Valyuta.az-a açıqlamasında maliyyə bank eksperti Əkrəm Həsənov bildirir ki, bu vəziyyət “Bank Respublika”nın inkişaf etdiyinin göstəricisidir:
“Öhdəlikləri artırsa, deməli kreditlər götürüb. Aktivlərin artımı isə bankın daha çox kredit verdiyinə işarədir. Deməli, bankın müştəri bazası da artıb. Bank da həmin müstəvidə krediti təmin etmək üçün başqa yerlərdən borc götürüb verib. Görünür, “Bank Respublika” hardansa daha ucuz qiymətə pul əldə edib”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay