\"Kriptovalyutalar gələcək üçün perspektivi olmayan maliyyə alətidir\"
“Kriptovalyutalar spekulyativ alət olub, pul qazanmağa imkan yaratsa da, gələcək üçün perspektivi olmayan maliyyə alətidir”.
Valyuta.az-a açıqlamasında bunu iqtisadçı ekspert Natiq Cəfərli son zamanlar geniş yayılmaqda olan kriptovalyutaların gələcəyi və onun ABŞ dollarını sıxışdırması ehtimalından danışarkən deyib.
Ekspertə görə, kriptovalyutaların dolları sıxışdıracağı barədə fikirlərin ortaya atılması əslində onların qiymətinin artırılmasına xidmət edir:
“Belə şaiyələr koinlərin bazar dəyərini artırır və bundan spekulyantlar qazanc baxımından yararlanır. Kriptovalyutaların əslində heç bir pesrpektivi, dəyəri belə yoxdur. Onları hələlik yeganə olaraq ayaqda saxlayan anonimlikdir. Dünyada qarışıqlıq davam etdikcə, anonim pul köçürmələrin önəmi artır. Bəzi ölkələr sanksiyalardan yan keçmək üçün, habelə kriminal elementlər, narkotik, silah alverçiləri kriptovalyutalardan istifadə edir”.
İqtisadçının fikrincə, yaxın gələcəkdə kriptovalyutalara maraq aşağı düşəcək:
“Avropa Mərkəzi Bankı, Federal Rezerv Sistemi artıq məsələyə ciddi yanaşmağa başlayıb. Qanunvericilik bazası hazırlanır ki, ona əsasən də anonimlik yaxın gələcəkdə aradan götürülə bilər. Anonimliyin aradan götürülməsilə ilə kriptovalyutaların önəmliyi də aşağı düşəcək.
Kripovalutalara nəzarətin böyük hissəsinin ABŞ tərəfindən həyata keçirildiyini nəzərə alanda, onun Amerikanın hegomonluğuna xidmət edən dolları sıxışdıracağı ehtimalı ümumiyyətlə sıfıra bərabərdir”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay