“Valyuta ehtiyatlarının artması birbaşa ölkənin makroiqtisadi dayanıqlığına əhəmiyyətli təsir göstərir”.

Bunu Valyuta.az-a açıqlamasında  iqtisadçı ekspert Eyyub Kərimli deyib. Ekspertin fikrincə, valyuta ehtiyatlarının artması eyni zamanda manatın məzənnəsinin sabit qalmasına və valyuta tələbinin nizamlanmasına böyük təsir edir:

“Bu, gələcəkdə həm də xarici ölkələrdən borcalma və uzunmüddətli kredit almaq kimi müsbət təsirlərə səbəb olacaq. Bundan əlavə, valyuta ehtiyatlarının çox olması ölkəmizin maliyyə dayanıqlığını təmin edir. Hesab edirəm ki, bunun özü Azərbaycan iqtisadiyyatı üçün müsbət haldır”.

Qeyd edək ki, Azərbaycan Mərkəzi Bankının məlumatına görə, 2023-cü ilin sentyabrın 1-nə valyuta ehtiyatları 9 milyard 364,4 milyon ABŞ dolları təşkil edib. Noyabrın sonunda bu rəqəm 10 milyard 615 milyon 900 min dollar, dekabrda isə 997 milyon 100 min dollar artaraq 11 milyard 613 milyon dollara çatıb.

Aylin