Kənd təsərrüfatında artım 2 amildən asılıdır
“Bu qərarın kənd təsərrüfatının inkişafına zərrə qədər də təsiri olmayacaq. Ona görə ki, kənd təsərrüfatının inkişafı məhsul istehsalının artımı ilə bağlıdır”.
Bunu Valyuta.az-a açıqlamasında iqtisadçı ekspert Vahid Məhərrəmov kənd təsərrüfatında dividend gəlirlərin 2028-ci ilədək vergidən azad olunması ilə bağlı qərara münasibət bildirərkən deyib. Onun sözlərinə görə, bu sahənin inkişafı məhsuldarlığın inkişafından və fermerlərə bazarların əlçatan olmasından keçir:
“Bunun üçün köklü islahatlar aparılmalıdır. Əgər məhsuldarlığı artırmaq lazımdırsa yüksək səviyyədə suvarma problemini həll etmək lazımdır, kəndlərin istehsal etdiyi məhsulların bir hissəsini anbarlarda saxlamaq üçün şərait yaradılmalı, bazarlarda monapoliya aradan qalxmalıdır. Belə olarsa kəndli istehsal etdiyi məhsulu bazara rahat çıxara biləcək”.
Vahid Məhərrəmov həmçinin bildirib ki, kəndlilər keyfiyyətli gübrə ilə təmin olunmalıdır:
“İmkan yaratmaq lazımdır ki, onlar xarici ölkələrdən istədiyi məhsulu, gübrə və dərmanları gətirə bilsinlər. Xeyli görüləcək işlər var. Bunlar görülmədən kənd təsərrüfarı inkişaf edə bilməz”.
Qeyd edək ki, Vergi Məcəlləsinə edilən dəyişikliyə əsasən, kənd təsərrüfatı məhsullarının istehsalı ilə məşğul olan (o cümlədən sənaye üsulu ilə) rezident hüquqi şəxslərin iştirakçıları olan fiziki şəxslərin dividend gəlirləri bu il yanvarın 1-dən etibarən 4 il müddətinə vergidən azad edilib.
Aylin
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay