Bütün əməkdaşlarda satış potensialı olmalıdır – Uğurlu komanda formalaşdırılmağın yolları
Görəcəyimiz işin keyfiyyətli olmasında komandanın əhəmiyyəti böyükdür. “Yaxşı komanda formalaşdırmaq işin yarısını görmək deməkdir” deyirlər. Bəs yeni komanda yaradan zaman bura hansı bilikli şəxslər cəlb edilməlidir?
Biznes konsultant Elxan Sultanlı bu barədə Valyuta.az-a bildirdi ki, biznesin ərsəyə gəlməsinin əsas üç təməl prinsipi varsa, onlardan biri də komanda yaratmaq məsələsidir: “Komanda formalaşdırmaq ciddi zaman alır, maddi və mənəvi ciddi alıntıları olur, amma düzgün komanda formalaşdırdıqdan sonra bunu qat-qat əvəz etmək olur. Yerləşmə yeri, satış nöqtəsi, infrastruktur, satılan məhsul çox yaxşı ola bilər, amma bu yükü çiyinlərinə ala biləcək komanda yoxdursa, bunun çox da mənası yoxdur”.
Biznes konsultant düzgün komanda seçən zaman bir neçə məqama diqqət yetirməli olduğumuzu qeyd etdi: “Komandaya seçəcəyimiz adamın xarakterinin bizim işimiz ilə uyğunluğuna diqqət yetirmək lazımdır, çünki hər biznesin oturuşmuş xarakteri var. Hansı kateqoriyada olmasından asılı olmayaraq, mütləq bütün əməkdaşlarda satış potensialı olmalıdır. Biznesin özəyini satış təşkil edir. Satış bacarığı olmasa belə, bunu sonradan formalaşdırmaq mümkündür, amma satış duyumu mütləq olmalıdır”.
“Komandaya seçəcəyimiz əməkdaşın öyrənməyə açıq olması vacib amillərdəndir. Dünyada beş il öncə trenddə olan peşə növləri demək olar ki, heç biri hazırda trenddə deyil, sürətlə dəyişir. Özünü öyrənmə bacarığı bazarda artıq əsas rol oynamağa başlayıb. Bu xüsusiyyətləri özündə formalaşdıran, öz üzərində işləyən əməkdaşları cəlb etmək lazımdır” - deyə, o, qeyd etdi.
Konsultant rəhbərin müntəzəm olaraq əməkdaşlarla disskusiyalar aparmasının, onların problemini görməsinin vacib olduğunu vurğuladı: “Çünki əməkdaş robot deyil, hansısa vaxt müddətində işləyəcək və əmək haqqı alacaq formasında yaxınlaşmaq doğru olmaz. Əməkdaşın da sahibkarlar və bütün insanlar kimi ailə, maddi problemlər və səhhətində problem ola bilər. Rəhbər əməkdaşın yanlız maddi problemlərini deyil, bütün problemlərini duymalı və müntəzəm olaraq onunla söhbətlər aparmaldır. Bu da çox vacib faktorlardan biridir”.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay