“Bakının yeni Baş planının qəbul edilməsi paytaxtın iqtisadiyyatına müsbət təkan verəcək”.

Bunu Valyuta.az-a açıqlamasında iqtisadçı ekspert Eyyub Kərimli 2040-cı ilədək Bakıda 400 minə yaxın yeni iş yerinin açılacağı ilə bağlı məlumata aydınlıq gətirərkən deyib. Eyyub Kərimli qeyd edib ki, qarşıdakı illərdə Bakıda çoxlu sayda müəssisələrin açılması gözlənilir:

“Bu müəssisələr yeni iş yerlərinin sayına təsir göstərəcək. 400 minə yaxın yeni iş yeri açılacaq. Hesab edirəm ki, bunlar daha çox turizm, ictimai iaşə xidmət sektorun aid olacaq. Bakı ətrafında emal və istehsal sahələrinin daha da genişlənməsi həyata keçirilə bilər”.

Eyyub Kərimli hesab edir ki, iş yerlərinin sayının artmasına əsas təsiredici sahələrdən biri inşaat sektoru olacaq:

“Yenidənqurma və planlama gedirsə, burada əsas yeri tikinti sektoru tutacaq. Bu da iri həcmli iş yerlərinin açılmasına müsbət təsirini göstərəcək. Hesab edirəm ki, növbəti yeni ildə Bakının ekoloji təmiz simasını görəcəyik. Yeni texnologiyalarla təchiz edilən, alternativ bərpa olunan enerji ilə qidalanan biznes subyektlərinin fəaliyyəti ilə təmin edilən Bakı şəhəri müşahidə edəcəyik”.

Aylin