Azərbaycan Prezidenti yanında Ali Attestasiya Komissiyasının məlumatına görə, 2023-cü ildə 58 nəfərə professor elmi adı verilib ki, onlardan da ən çoxu, yəni 10 nəfəri texniki elmlərə aid olub. Maraqlıdır ki, keçən il 7 sahə üzrə professor elmi adı alan isə ümumiyyətlə olmayıb.

Bura mexanika, astronomiya, yer elmləri, əczaçılıq elmləri, antropologiya, siyasi elmlər və sosiologiya aiddir.

Valyuta.az-a açıqlamasında təhsil eksperti Kamran Əsədov bildirir ki, haqqında söhbət açılan 7 sahə üzrə professor dərəcəsi alanların olmaması yaşlı nəslin maneə olması və elmə gələnlərə qayğı göstərilməməsinlə bağlıdır: 

“Texniki elmlər üzrə professor dərəcəsi alanların birdən-birə daha çox olması AMEA-nın nizamnaməsində edilən dəyişikliyin nəticəsidir. Həmin dəyişikliyə qədər isə texniki elmlər üzrə professorlar yox idi. 

Sadalanan 7 sahə üzrə professor dərəcəsi alanların olmaması isə bir sıra səbəblərdən qaynaqlanır. 

Həmin sahələrə son illər maraq göstərənlər yoxdur. Gənclər elmə gəlmir, AMEA gənclərin müdafiəsinə problemlər yaradır. Ölkədə bəzi elmi dərəcəsi olan şəxslər var ki, özlərindən sonra elmi dərəcələrin verilməsinə maneə olurlar”.

Digər tərəfdən, həmsöhbətimizə görə, elmi dərəcələrin Ali Attestasiya Komisiyası tərəfindən verilməsi də doğru addım deyil: 

“Dünyanın heç bir ölkəsində elmi ad və dərəcələri verən qurum yoxdur. Bu dərəcələri institutlar və universitetlərin Elmi Şuraları verməlidir. Qeyd edilən 7 sahə üzrə mütəxəssislərimizin olmaması o deməkdir ki, Ali Attestasiya Komissiyasında da həmin sahələr üzrə mütəxəssis yoxdur. Ona görə də bu elmi dərəcələri heç kimə verə bilmirlər”. 

Ramiz