Azərbaycanda son illər zibillərin atılması üçün müxtəlif, daha doğrusu yaşıl və narıncı tullantı qutularından istifadə olunur. Lakin maraqlıdır ki, əhalinin bir hissəsi narıncı və yaşıl tullantı qutularından nə məqsədlə istifadə edildiyini hələ də bilmir. 

“Liberal İqtisadçılar Mərkəzi” İctimai Birliyinin araşdırmasına görə, paytaxt sakinlərinin 78 faizi tullantı qutularının müxtəlif rənglərdə olmasının səbəbini bilmir. Yalnız rəyi soruşulanların 22 faizi yaşıl və narıncı tullantı qutularından istifadənin çeşidləməyə xidmət etdiyindən xəbərdardır. 

Valyuta.az-a açıqlama verən sosial məsələlər üzrə ekspert İlqar Hüseynlinin fikrincə, problemin kökündə mövcud istiqamətdə şəhər təsərrüfatının düzgün qurulmaması dayanır:

“Öncə onu qeyd edim ki, Bakı şəhərinin əksər ərazilərində, xüsusən mikrorayonlarda zibillərin çeşidlənməsi üçün tələb olunan 4 rəngli qutular hələ qoyulmayıb. Ona görə də əhali çeşid etmədən zibilləri birbaşa yaşıl qutulara atır. Yalnız paytaxt ərazilərini tamamilə sarı, qırmızı, narıncı, yaşıl zibil qutuları ilə təmin etdikdən sonra, insanlar arasında maarifləndirmə işləri aparmaqla, onları başa salmaqla prosesdə dönüş yarada bilərik. Yalnız maarifləndirmədən sonra insanlar çörəyi bir qutuya, şüşəni başqa birisinə, politleni də digr qutuya atmaq lazım olduğunu qəbul edəcək. Bakı şəhərində zibillərin çeşidlənməsi məsələsi natamamdır”.

Ramiz