Ödənişi POS terminalla deyil, kartdan karta ödəyiriksə, müəssisələr nə qədər vergidən yayınırlar?
Bəzən restoranlar, geyim mağazaları və s. yerlərdə kartla ödəniş etmək istəyərkən kassir tərəfindən bildirilir ki, POS terminal işləmir, "card to card" (kartdan karta) edə bilərsiniz. Bu, həmin müəssisənin vergidən yayınma cəhdidir. Bəs onlar bu addımla nə qədər vergidən yayınırlar?
Vergi məsələləri üzrə ekspert Anar Bayramov Valyuta.az-a şərhində bunun qanunsuz olduğunu dedi: “Orada POS terminalın işləyib-işləməməyi müzakirə predmeti deyil. Siz bir ay sonra da ora getsəniz, yenə elə deyəcəklər. Bunu etməkdə məqsədləri dövriyyəni gizlətməkdir. Çünki restoranlar 2 faizlik sadələşdirilmiş vergi mükəlləfiyyətində qalmaq istəyirlər. Müəssisənin dövriyyəsi 200 min manatı keçəndə isə, 8 faizlik vergi ödəməli olurlar. Geyim mağazaları isə 200 min manatı keçdikdən sonra ödədikləri vergi daha çox olur. Ona görə belə üsullarla vergidən yayınmağa çalışırlar".
Anar Bayramov belə olan halda müəssisələrin nə qədər vergidən yayındığından da danışdı: “Restoranın dövriyyəsi 200 min manatdan az olanda, 2 faizlik vergi ödəyir. Əgər 100 manatlıq satış həyata keçirərsə, bunun üçün 2 manat vergi ödəyir. Dövriyyəsi 200 min manatı keçəndən sonra 100 manatlıq məhsula görə 8 manat vergi ödəyir. Yəni 4 dəfə baha olur. Geyim mağazaları isə dövriyyə 200 min manatı keçəndən sonra 18 faiz əlavə dəyər vergisi, 20 faizlik mənfəət vergi ödəyicisi olurlar".
Nuray
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay