Hələ də Azərbaycanda el arasında “JEK”lər kimi tanınan Mənzil Kommunal İstismar Sahələri (MKİS) fəaliyyət göstərməkdə davam edir. Bakının özündə 200-ə yaxın MKİS-lər var. 

Əslində qanunvericilik belə qurumların fəaliyyətini artıq qadağan edir. Bu isə o deməkdir ki, “JEK” adlanan qurumlar artıq fəaliyyət göstərməməlidir. Belə olan halda görəsən nədən bunun əksi baş verməkdə davam edir?

İqtisadçı ekspert Fuad İbrahimov Valyuta.az-a açıqlamasında bildirib ki, hər bir qərarın həyata keçməsi üçün icra mexanizmləri olmalıdır:

“Hər bir işin icra mexanizmi olmalıdır. Bu olmayanda onu nə iləsə əvəz edirlər. Belədə “JEK” anlayışından kənarlaşırıqsa, onu əvəz edən qurumlar olmalıdır. Başqa bir tərəfdən, “JEK”lərin qalmasının digər səbəbi bələdiyyələrin funksiyalarının təkmilləşməməsilə bağlıdır. Ona görə də hazırda belə bir absurd vəziyyətin qurbanı olmaqda davam edirik. Olmayan təşkilat adından çıxış etmək, onun adından vəsait toplamaq cinayət tərkiblidir. Amma buna görə heç kim cəzalanmır, cərimə olunmursa, deməli prosesin həyata keçməsi üçün icra mexanizmi yoxdur”. 

Ramiz