Dünya ölkələrində son illər kriptovalyutalar, bitkoinlər geniş yayılmağa başlasa da, Azərbaycanda əhali hələ də mübadilə vasitəsi olaraq istifadə etmək üçün yaradılan bu rəqəmsal aktivlərdən istifadə etmir. Azərbaycanda əhalinin bu istiqamətdə biliyi də yox səviyyəsindədir. 

Valyuta.az-a açıqlama verən iqtisadçı ekspert Fuad İbrahimov ölkə əhalisinin kriptovalyutaya maraq göstərməməsinin səbəbini bu bazarda institusional səviyyədə inteqrasiyanın baş verməməsilə əlaqələndirib:

“Kriptovalyutalar qiymətli kağızlar, birjaların yeni nəslidir. Azərbaycanın kriptovalyuta bazarında institusional səviyyədə inteqrasiya baş verməyib. İnteqrasiya olmadığından ölkəmizdə əhali bu prosesi də dərindən dərk etmir. Ölkəmizdə əhali kriptovalyutaya ancaq gəlir mənbəyi kimi baxır. Əslində isə kriptovalyuta institutuna strateji ehtiyatlar, gələcək üçün yığılacaq ehtiyat vəsaitlər, investisiya dünyası kimi baxılmalıdır. Ona görə də Azərbaycanda kriptovalyutalara maraq yox dərəcəsindədir. Ölkəmizdə sadəcə olaraq, müəyyən qədər insanlar kriptovalyutadan onu elektron daşıyıcıları üzərindən hərəkətə gətirməklə, daha çox qumar tipli gəlir əldə etmək məqsədilə istifadə edirlər. Ona görə də kriptovalyutaların Azərbaycanda dövriyyəsi yoxdur”.

Ramiz