Ekspertdən bədbin proqnoz: "Kranı açacağıq, su gəlməyəcək"
"Vaxt olacaq ki, Azərbaycanda kranı açacağıq, amma oradan su gəlməyəcək".
Bunu Valyuta.az-a açıqlamasında ekoloq Xosrov Musayev son günlər havaların həddindən artıq istiləşməsi ilə bağlı su maşınlarının evlərə su daşınması hallarından danışarkən deyib.
Ekspert hesab edir ki, Azərbaycanda ekoloji problemlər içərisində ən aktualı sudur:
“Atmosferin çirklənməsi ilə bağlı qlobal istiləşmə gedir. Temperatur aylıq normadan 6 dərəcə yuxarı olub. Bu dövrdə buxarlanma çox olur. Bu istilərdə heç kəs yemək yeyə bilmir, hamı suya üstünlük verir. Bədəndə buxarlanma gedir, insanlar normadan artıq maye qəbul edir, kölgədə belə adam tərləyir”.
Xosrov Musayevin fikirincə, gələcəkdə su böyük bizneslərdən birinə çevriləcək:
“Biri artizan quracaq, oturacaq başında su satacaq. Dünya alimləri də belə bir bədbin proqnoz veririblər ki, III Dünya müharibəsi suyun üstündə qurulacaq. Çox böyük fəsadlar olacaq. Ekvatora yaxın olan təxminən 35- 40 milyon əhali şimala tərəf köcəcək. Elə yer var ki, səhər-səhər düşən şehi dilləri ilə yalayırlar. Problem getdikcə ciddiləşir, əhalinin sayı artdıqca sudan istifadə də artır”.
Aylin
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay