"S&P Global" və Hamburg Ticarət Bankı (HCOB) tərəfindən Avrozona bölgəsinin 2024-cü il dekabr ayına aid birləşmiş və xidmət sektoru üzrə Satınalma Menecerləri İndeksi (PMI) göstəriciləri açıqlanıb.

Valyuta.az xəbər verir ki, məlumatlara əsasən, Avrozonada dekabr ayında iqtisadi fəaliyyət yeni iş və məşğulluqdakı azalmalar səbəbilə geriləyib. 

Bu dövrdə inflyasiya təzyiqlərində də artım müşahidə edilib. Beləliklə, Avrozona iqtisadiyyatı 2024-cü ili kövrək bir vəziyyətdə tamamlayıb.

Noyabr ayında 48,3 səviyyəsində olan avro bölgəsi üzrə birləşmiş PMI, dekabrda 49,6-ya çatıb. Bu, son 2 ayın ən yüksək səviyyəsi olub.

PMI göstəricisində 50 baldan yuxarı artımı, aşağısı isə daralmanı ifadə edir.

Həmçinin, avro bölgəsində noyabrda 49,5 olan xidmət sektoru üzrə PMI dekabr ayında 51,6-ya yüksəlib.

Paşa Məmmədli