Finlandiyalı fermerlər Avropa İttifaqının Rusiya gübrələrinə qarşı sanksiyalarının potensial tətbiqi ilə bağlı narahatlıqlarını ifadə ediblər. 

Valyuta.az xəbər verir ki, bu barədə "Yle" məlumat yayıb.

Finlandiya taxıl eksperti Maks Şulman jurnalistlərə deyib: "Bu dərhal bazara çox güclü zərbə vuracaq və biz fermerlər bunu öz üzərimizə götürəcəyik".

Bundan əvvəl kənd təsərrüfatı sektorundan olan yerli sahibkarlar Rusiya Federasiyasının bu kateqoriyalı malların tədarükünə vergi tətbiq etməsi səbəbindən gübrələrin qiymətinin artması ilə üzləşmişdilər. Avropa İttifaqı Rusiya gübrələrinə qarşı sanksiyalar tətbiq etmək qərarına gəlsə, onların qiymətləri daha da yüksələcək.

2023-cü ilə qədər Rusiya ixracda dünyada birinci, mineral gübrə istehsalında isə ikinci yerdədir.

Əvvəllər bildirilirdi ki, Aİ ölkələri ilk beş ayın nəticələrinə əsasən, Rusiya Federasiyasından gübrə alışını xeyli artırıb. Belə ki, yanvar-may aylarında tədarük 2023-cü ilin eyni dövrü ilə müqayisədə 1,7 dəfə artaraq 1,9 milyon tona çatıb.

Paşa Məmmədli