Ukraynada elektrik enerjisinin kəsilməsi mülki əhali üçün narahatlıq yaratmaqla yanaşı, silah istehsalına da əngəl törədir. 

Valyuta.az xəbər verir ki, bu barədə The New York Times yazır.

“Bu, mütləq istehsalı yavaşladır və daha bahalı olur, mülki əhalinin elektrik enerjisi olmadan yaşaması daha asandır, lakin müharibə zamanı hərbi istehsal üçün onun olması çox vacibdir”, - deyə ordunu silah və digər avadanlıq vasitələriylə təmin etmək səylərini əlaqələndirən Aleksandr Dmitriyev deyir.

Ukrayna qonşularından elektrik enerjisi idxal etməklə yanaşı, Qərb tərəfdaşlarından elektrik şəbəkələri üçün avadanlıq şəklində kömək istəyir. Xüsusilə, DTEK şirkəti Aİ ölkələrindən artıq ehtiyac duymayan işlənmiş avadanlıqları Ukraynaya köçürmələrini xahiş edən kampaniyaya başlayıb.

“Yeni avadanlıqları tez bir zamanda almaq və ya istehsal etmək üçün sifariş vermək mümkün deyil, yeganə yol ona ehtiyacı olmayan ölkələrdən işlənmiş avadanlığı əldə etməkdir və bu, yalnız onların siyasi iradəsini tələb edir”, - deyə şirkət nümayəndəsi Pavel Beloded bildirib.

Ukraynada istifadə oluna bilən elektrik avadanlıqları vaxtilə sosialist düşərgəsinin bir hissəsi olan Şərqi Avropa ölkələrində mövcuddur. Onların bir çoxu artıq onun transferi üzərində işə başlayıb.

Hakimiyyət orqanlarının müəssisələrə və vətəndaşlara elektrik enerjisindən qənaətlə istifadə etməyə çağırışları fonunda ukraynalı sahibkarlar elektrik enerjisinin daimi kəsilməsindən narahat olduqlarını bildirirlər.

Dərzi biznesi ilə məşğul olan sahibkar nəşrə deyib: “Evdə elektrik kəsiləndə ailəm buna hazırdır. Mənim ən böyük qorxum işdə elektrik olmamasıdır”.

Nicat