Yaponların 63%-dən çoxu maddi vəziyyətindən narahatdır və gələcəyə mənfi baxır. 

Valyuta.az xəbər verir ki, bu barədə "Kyodo" agentliyi poçt vasitəsilə aparılan sorğuya istinadən yazır.

Qeyd olunur ki, sorğuda yaşı 18-dən yuxarı olan ölkə vətəndaşları iştirak edib. Ümumilikdə 3 min məktub göndərilib və sorğu iştirakçılarının 57,1%-i cavab verib.

Sorğunun nəticələrinə görə, maddi vəziyyətindən narahat olan və gələcəyə bədbin baxan yaponların sayı rekord həddə - 63,2%-ə çatıb. Respondentlərin 28,2%-i ölkədəki vəziyyətin gənclərin müstəqil olmasına imkan vermədiyini bildirib. 

Sorğu iştirakçılarının 25,8%-i işlədikləri mühitdən narazı qalıb. Respondentlərin yalnız 25%-i Yaponiyada tibbi xidmətlərin keyfiyyətinin yaxşılaşdığını bildirib.

Paşa Məmmədli