Noyabr ayında Pakistan ilk dəfə Rusiya taxılının pulunu dollarla deyil, Birləşmiş Ərəb Əmirliklərinin (BƏƏ) dirhəmiylə ödəyib. 

Valyuta.az xəbər verir ki, bu barədə RİA Novosti Pakistan hökumətinin məlumatlarına istinadən yazır.

Bu məlumatlara görə, Pakistan payızın sonunda Rusiya Federasiyasından təxminən 10,6 milyard rubl dəyərində 377,2 min ton buğda idxal edib. Bu məbləğin böyük hissəsi - demək olar ki, 82%-i dirhəmlə ödənilib. Bu, Pakistan və Rusiya arasında qarşılıqlı taxıl ticarəti üçün ilk belə haldır.

Ümumilikdə, Rusiya Federasiyası 2023-cü ildə Pakistana rekord həcmdə taxıl tədarük edib - əvvəlki ildəki 294 min ton ilə müqayisədə demək olar ki, 1,4 milyon ton.

Nicat