Mərkəzi ofisi Lüksemburqda yerləşən Avopa İttifaqının ən yüksək hüquqi orqanı olan Avropa Ədalət Məhkəməsi Avropa Birliyi Komissiyasının məşhur onlayın alış-veriş portalı "Amazon"a qarşı açdığı iş üzrə qərarını açıqlayıb.

Valyuta.az xəbər verir ki, məhkəmə, Komissiyanın Lüksemburqun vergi imtiyazları verməklə "Amazon"a icazəsiz ictimai dəstək verdiyinə dair qərarında səhv olduğunu açıqlayıb. Avropa Ədalət Məhkəməsi Komissiyanın aşağı instansiya məhkəməsinin qərarından şikayətini rədd edib.

2017-ci ildə Aİ Komissiyası "Amazon"un Lüksemburqda istifadə etdiyi vergi təcrübələrini qeyri-qanuni sayaraq şirkətin 250 milyon avro məbləğində olan vergini faizlərlə geri qaytarması barədə qərar qəbul etmişdi. "Amazon" və Lüksemburq qərara etiraz edərək, hüquqi prosesə başlayıblar.

2021-ci ildə Aİ-nın Baş Məhkəməsi, dünyanın ən böyük internet alış-veriş şirkəti olan "Amazon"a Lüksemburqdakı fəaliyyətinə görə 250 milyon avrodan çox tətbiq etdiyi vergini geriyə qaytarması haqda qərar çıxaran komissiyasının bu qərarını ləğv etdi. Məhkəmə, Lüksemburqun vergi sisteminin "Amazon" qrupuna bağlı şirkətə üstünlük vermədiyi və komissiyanın iddialarını kifayət qədər sübuta yetirə bilmədiyi qənaətinə gəlib. Komissiya bu qərarı qanuniliyin yoxlanılması üçün Avropa Ədalət Məhkəməsinə təqdim etmişdi.

Elmir