Rusiyanın “Sibirin gücü” qaz kəməri ilə Çinə tədarükü noyabrın ortalarından etibarən əhəmiyyətli dərəcədə artıb.

Valyuta.az xəbər verir ki, həcmlərin artması mövcud müqaviləyə əvvəllər imzalanmış əlavə razılaşma hesabına baş verib.

Qeyd edilir ki, 2024-cü ilin əvvəlindən "Sibirin gücü" vasitəsilə tədarükün yeni artımı planlaşdırılır - 2022-ci ildəki 22 milyard kubmetrlə müqayisədə ildə 30 milyard kubmetrə qədər qaz.

Danışıqlarda həmçinin, Rusiyadan Çinə Monqolustan ərazisindən keçməklə, ildə 50 milyard kubmetrə qədər qaz nəql edəcək transsərhəd qaz kəməri layihəsinin reallaşdırılması məsələsi də müzakirə olunub. Bundan əlavə, Ussuri çayı üzərindən "Uzaq Şərq" marşrutu üzrə qaz kəmərinin tikintisi üzrə birgə işlər davam etdirilir.

Hazırda “Qazprom” Rusiya qazını Çinə 30 illik müqavilə əsasında ildə 38 milyard kubmetr həcmində tədarük edir. İxrac 2019-cu ilin dekabrında başlayıb. Həcmləri artırmaq qərarı Çin istehlakçılarının artan tələbini ödəmək üçün qəbul edilib.

Paşa Məmmədli