Bolqarıstan qanunvericiləri Rusiyaya əhəmiyyətli məbləğlər gətirən sanksiyalar istisnasının aradan qaldırılması istiqamətində ilk addımı atıblar.

Valyuta.az xəbər verir ki, bu barədə "Politico"  yazır.

Əvvəlcədən planlaşdırılan bu addım avqust-oktyabr aylarında Bolqarıstanın Rusiya neftini müəyyən edilmiş G7 və Avropa İttifaqı standartlarından yuxarı qiymətlərlə idxal etdiyini bildirməsindən dərhal sonra baş verib. Bu, Kremlin 430 milyon avro məbləğində birbaşa vergi gəlirləri əldə etməsi ilə nəticələnib.

Bu ticarət qanuni olub, çünki Bolqarıstana Aİ-nin sanksiya tətbiq etdiyi Rusiya neftinin dəniz yolu ilə idxalına qadağası üçün unikal istisna verilib. Aİ Bolqarıstanı yanacağın qiymətinin kəskin dəyişməsindən qorumaq üçün bu ölkəyə güzəşt edib. Lakin bu boşluq Moskva üçün də xeyli qazanc gətirib.

Ümumilikdə, sanksiyaların tətbiqindən sonra istisna Rusiyaya 2 milyard avro ixrac gəliri gətirib və nəticədə Moskvaya təqribən 1 milyard avro vergi ödənilib.

Nicat