İrlandiyanın dövlət xərcləri üzrə naziri Paskal Donohue Beynəlxalq Valyuta Fonduna (BVF) rəhbərlik etmək imkanını nəzərdən keçirir. 

Valyuta.az xəbər verir ki, bu barədə "Bloomberg" mənbələrə istinadən məlumat yayıb.

BVF-nin hazırkı rəhbəri Kristalina Georgiyevanın səlahiyyət müddəti 2024-cü ilin sentyabrında başa çatır. Onun ikinci müddətə namizədliyini irəli sürmək planının olub-olmadığı hələlik məlum deyil. 

Agentliyin həmsöhbətlərinin sözlərinə görə, hələlik heç kim BVF rəhbəri vəzifəsinə namizəd irəli sürməyib. Lakin Donohue bu məsələ ilə bağlı ilkin danışıqlar aparır.

49 yaşlı Paskal Donohue 2017-2022-ci illərdə İrlandiyanın maliyyə naziri olub. 2020-ci ilin iyulunda o, həm də Avroqrupun sədri təyin edilib. Onun sözçüsü "Bloomberg"ə deyib ki, Donohue "tamamilə hazırkı işinə və öhdəliklərinə diqqət yetirir". 

Paşa Məmmədli