ABŞ-nın ən varlı insanları hələ də kişilərdir. Amma “Forbes”in açıqladığı ən zəngin 400 insanın siyahısında keçən illə müqayisədə daha çox qadının olduğu və onların varlandığı açıqlanıb. “Forbes”in builki siyahısında ümumilikdə 60 qadın yer alıb. Bu da 2022-ci illə müqayisədə (58) daha çoxdur. Onların ümumi sərvəti bir il əvvəl 535-dən 621 milyard dollara qədər artıb. Amerikanın ən varlı qadını “Walmart”ın varisi Alis Valtondur. 

Keçən il “Koch Industries”dən 42% pay miras alan Yuliya Koça uduzsa da bu il birinci yerə qayıdıb. 2022-ci ilə qədər ardıcıl yeddi il ölkənin ən varlı qadını olan Valton, “Walmart” səhmlərindəki 26%-lik artımdan sonra keçən ildən bu yana sərvətinə 10,8 milyard dollar əlavə edib. Valmartın həmtəsisçisi Sem Voltonun qızının sərvəti isə təxminən 66,5 milyard dollardır. Koç hazırda 59,8 milyard dollar sərvəti ilə ölkənin ikinci ən zəngin qadınıdır. Amerikanın varlı qadınları arasında üçüncü yerdə məşhur konfet və ev heyvanları üçün qida istehsalı markası olan “Mars, Inc.”dən üçdə bir payı olduğu təxmin edilən, xalis sərvəti 38,9 milyard dollar olan Jaklin Marsdır. Bu il 400 nəfərlik siyahıya daha üç qadın Elizabet Deluka, Annett Lerner və Eren Özmen də qoşulub. 

Yeni gələnlər arasında ən varlıs Delukadır (8,2 milyard dollar). Ona mərhum əri Fred Delukanın həmtəsisçisi olduğu “Subway”in 50%-i miras qalıb. Avqustda Delukanın özəl kapital firması “Roark Capital”, dəyəri 9 milyard dollardan çox olduğu bildirilən bir sövdələşmə ilə “sendviç zənciri”ni də uddu. 

Daşınmaz əmlak maqnatı, fevral ayında vəfat edən “Washington Nationals” beysbol komandasının keçmiş sahibi, mərhum əri Ted Lernerdən Annetaya isə təxminən 6,5 milyard dollarlıq sərvət miras qalıb.

Türk əsilli Özmen isə aerokosmik sənayedə sərvət qazanıb. 2021-ci ildə əri Fatih ilə birlikdə qurduğu “Sierra Space” kosmos təyyarəsi istehsal və Beynəlxalq Kosmos Stansiyasının yenilənməsi strategiyasını hazırlamaq üçün Ceff Bezosun şirkəti “Blue Origin”lə əməkdaşlıq edir. Əvvəllər paxlava satan və özünü biznes məktəbinə vermək üçün bir ofis binasını təmizləyən türk mühacir siyahıya ən çox düşən qadınlardandır.

Öz sərvətini yaradan ən varlı qadın isə dam örtüyü təchizatçısı “ABC Supply” şirkətinin sahibi Diane Hendricksdir (19,3 milyard dollar). Siyahıda “Love's Travel Stops & Country Stores”un həmtəsisçisi Cudi Lav (10,2 milyard dollar), “Panda Express”in həmtəsisçisi Peggy Cherng (3,1 milyard dollar), “eBay” və “Hewlett-Packard”ın keçmiş baş direktoru və ABŞ-ın Keniyadakı hazırkı səfiri Meq Vitman da (3 milyard dollar) var.

Valyuta.az “Forbes”in məlumatları əsasında Amerikanın ən varlı qadınlarının siyahısını təqdim edir.

Melinda Frenç Qeyts

Xalis sərvət: 10,3 milyard dollar
Sərvət mənbəyi: “Microsoft”

Xeyriyyəçilikdə ən güclü qadınlardan biri olan Melinda, keçmiş əri Bill Qeytslə birlikdə qurduğu “Bill və Melinda Qeyts Fondu”na həmsədrlik edir. O, 2021-ci ildə boşanmalarının bir hissəsi olaraq, bir neçə şirkətdən 2,4 milyard dollar dəyərində səhm aldı.

Kristi Volton

Xalis sərvət: 11,8 milyard dollar
Sərvət mənbəyi: “Valmart”

“Valmart”ın həmtəsisçisi Sem Voltonun oğlu Conun 2005-ci ildə təyyarə qəzasında öldükdən sonra dul qalan həyat yoldaşı pərakəndə satış payını miras aldı. O, Donald Trampın əlehinə olan “Linkoln Layihəsi”nin əsas maliyyəçisi idi. Şirkət 2020-ci ildə döyüş bölgələrindən reklam yayımlayırdı. 

Lauren Povell Cobs

Xalis sərvət: 13,4 milyard dollar 
Sərvət mənbəyi: “Apple”, “Disney”

Stiv Cobs sərvətinin böyük hissəsini mərhum əri, “Apple”in həmtəsisçisi Stiv Cobsdan miras alıb. “Apple” səhmləri hələ də xalis dəyərin böyük bir hissəsini təşkil edir, lakin o, həm də “Disney”, “Monumental Sports & Entertainment” və “The Atlantic”də də pay sahibidir. 

Diane Hendriks

Xalis sərvət: 19,3 milyard dollar
Sərvət mənbəyi: Tikinti materialları

Amerikanın ən varlı qadınlarından biri, 1982-ci ildə mərhum əri Ken Hendrikslə birlikdə dam örtüyü təchizatçısı “ABC Supply”ni qurdu. Şirkətin gəlirləri keçən il təxminən 26% artaraq 14,7 milyard dollara çatıb. Hendriks həm də keçmiş prezident Donald Tramp və senator Ron Conson da daxil olmaqla respublikaçıların kampaniyalarına ən böyük dəstək verənlərdən biri kimi tanınır.

Abiqeyl Conson

Xalis sərvət: 25,5 milyard dollar
Sərvət mənbəyi: “Fidelity”

Cohnson hələ 1980-ci illərin əvvəllərində Hobart və William Smitdə kollecdə oxuyarkən yay aylarında, o vaxt maliyyə nəhəngi sayılan “Fidelity”də çalışmağa başladı. O, babasının 1946-cı ildə qurduğu və atasının 2014-cü ildən bəri işlədiyi firmanın baş direktorudur.

Miriam Adelson

Xalis sərvət: 32,8 milyard dollar
Sərvət mənbəyi: Kazinolar

Asılılığı olan xəstələrin müalicəsinə diqqət yetirən tibb həkimi Adelson, mərhum əri Şeldon Adelson tərəfindən qurulan məşhur “Las Vegas Sands” kazinosunun yarıdan çoxuna sahibdir.

Skott Makkenzi 

Xalis sərvət: 37,1 milyard dollar
Sərvət mənbəyi: “Amazon”

Skott, 2019-cu ildə Ceff Bezosdan boşanma razılaşmasının bir hissəsi olaraq “Amazon”un səhmlərinin dörd faizini aldı. Lakin o vaxtdan bəri var-dövlətini paylamaq üçün çox çalışdı. İndiyədək o, xeyriyyəçilik üçün 14 milyard dollardan çox pul xərcləyib.

Jaklin Mars

Xalis sərvət: 38,9 milyard dollar
Sərvət mənbəyi: “Mars İnc.”

Şəxsi “Mars” şirniyyatı imperiyasının varisi və onun qurucusunun nəvəsi, “Twix” çubuqlarından tutmuş “Ben's Original” düyü və “Pedigree” it yemlərinə qədər hər şeyi istehsal edən “Mars, Inc.”in təxminən üçdə birinə sahibdir. Həvəsli bir at həvəskarı olan Jaklin Virciniyanın kəndlərində Olimpiada üçün at yetişdirən bir fermaya da sahibdir.

Culiya Koç və ailəsi

Xalis sərvət: 59,8 milyard dollar
Sərvət mənbəyi: “Koch Industries”

Koç və ailəsi “Koch Industries”in 42%-ni 2019-cu ildə dünyasını dəyişən mərhum əri David Koçdan miras aldı. Onun qaynı Çarles Koç tərəfindən idarə olunan şirkət şüşə istehsalçısı “Guardian Industries”dən tutmuş “Brawny” kağız dəsmalları və “Dixie Cups” firmasına qədər hər şeyə sahibdir.

Alis Valton

Xalis sərvət: 66,4 milyard dollar
Sərvət mənbəyi: “Valmart”

Volton bu il Amerikanın ən varlı qadını titulunu Culiya Koçdan geri aldı. Onun sərvəti atası Sem Voltonun həmtəsisçisi olduğu dünyanın ən böyük pərakəndə satış şirkəti “Valmart”dakı 46%-lik payından gəlir.

Elmir