ABŞ-da 22 yaşlı Kaliforniya sakini Bencamin Brodi biznesmen İlon Maska qarşı böhtan iddiası qaldırıb. O, iddia edir ki, iş adamı özünün X sosial şəbəkəsində (keçmiş Twitter) yalan mesajı təbliğ edib və orada kaliforniyalını neonasist toqquşmasının iştirakçısı ilə müqayisə edib.

Valyuta.az "Associated Press"ə (AP) istinadla xəbər verir ki, məsələ 2023-cü ilin iyununda Oreqonda LGBT festivalı zamanı X sosial şəbəkəsində yayımlanan qarşıdurmaların videosu ilə başlayıb. Bəzi etirazçılar ifrat sağçı Proud Boys qrupunun üzvləri kimi geyinərək lentə alınıb.

Sosial şəbəkə istifadəçiləri iğtişaş iştirakçılarından birinin Brodiyə bənzədiyini qeyd ediblər. Amma gənc bir qədər əvvəl hökumətə işləmək istədiyini bildiribmiş. Buna görə də, belə bir şübhəli "populyarlıq" dalğası Brodinin kəşfiyyat xidmətlərində işlədiyinə dair şübhələr yaradıb.

İddiaçı qeyd edib ki, Maskın özü baş verənlərin müzakirəsində fəal iştirak edib. Onun sözlərinə görə, bununla Tesla-nın qurucusu Brodi haqqında böhtanların yayılmasına kömək edib. Məsələn, Mask ümumiyyətlə bu hadisəni "yalançı bayraq əməliyyatı" kimi şərh edərək, Brodinin kəşfiyyat xidmətləri ilə əlaqəsinə işarə edib.

İndi incimiş gənc Maskdan ən azı 1 milyon dollar məbləğində təzminat tələb etməyə hazırlaşır.

Nicat