Bu tarix niyə bu qədər vacibdir?

Valyuta.az bu barədə vergi məsələləri üzrə ekspert Nahid Tağıyevin şərhini təqdim edir: 

“Yaxın günlərdə bir sahibkar şikayətlənirdi ki, “Mən vergi mükəlləfiyyətini dəyişmək istəyirəm, vergi orqanına müraciət edirəm, lakin vergi orqanı imtina verir”. 
Həmin sahibkar mənffət/gəlir vergisindən, sadələşmiş vergiyə keçid etmək istəyir. Bununla bağlı vergi orqanına müraciət edir. Amma vergi orqanı imtina edir. 

Araşdırma nəticəsində məlum oldu ki, vergi orqanı imtina etməkdə haqlıdır. Çünki bu sahibkar 20 aprel tarixini ötürmüşdür.

Nəzərinizə çatdırım ki, Vergi Məcəlləsinin tələblərinə əsasən sadələşmiş vergi ödəyicisi gəlir/ mənfəət vergisinə və ya əksinə olaraq keçid etmək istəyirsə, bunu 20 aprel tarixinə qədər etməlidir. Bir sıra hallarda sahibkarlar və ya mühasiblər bu tarixi ötürürlər. Sonrakı aylarda mükəlləfiyyəti dəyişmək üçün vergi orqanına müraciət edirlər və vergi orqanı da haqlı olaraq mükəlləfiyyəti dəyişməkdən imtina edir. Çünki Vergi Məcəlləsinin tələblərinə əsasən 20 aprel tarixindən sonra vergi mükəlləfiyyətini dəyişmək olmaz. Bu, yalnız bir halda mümkündür. Əgər vergi ödəyicisi könüllü və ya məcburi qaydada ƏDV məqsədlər üçün qeydiyyatdan keçirsə, bu halda həmin vergi ödəyicisi 20 aprel tarixindən asılı olmayaraq vergi mükəlləfiyyətini dəyişə bilər”.

Əvəz Həsənov