![](https://valyuta.az/file/articles/2024/07/16/1721122577_9115c750-0597-36d1-9aae-1ca01484554b_850.jpg)
Yayda işçilərin daha həvəslə işləməsi üçün nə etmək lazımdır?
Bir çox işçilər yay aylarında işləmək istəmirlər. Havaların isti keçməsi ilə əlaqədar onların işə olan həvəslərində azalma, işin keyfiyyətində düşmə halları görülür. İş görmək üçün diqqətlərini toplaya bilmirlər. Həm işçilərin çoxunun məzuniyyət günlərini gözləməsi, həm istirahət planlarının qurulması və s. kimi səbəblərdən gördükləri işin keyfiyyəti düşür. Bəs belə zamanlarda rəhbərlər idarəetmədə nələri nəzərə almalıdırlar?
Valyuta.az-a danışan "SAT Group” şirkətinin həmtəsisçisi, idarəçi və biznes konsultant Anar Bayramov deyir ki, yay aylarında işə həvəsi azalan işçilər olur. Bəzi şirkətlərdə sezon ilə üst-üstə düşdüyü üçün həmin şirkətlərdə bu kimi hallar problem yaratmır:
“Bəzi şirkətlərdə yay aylarında elə də çox iş olmur. Bu zaman şirkətə də sərf edir ki, sezon zəiflədiyi üçün işçiləri yay aylarında məzuniyyətə göndərsin. Bəzi şirkətlərdə sezon amili olmadığına görə, həmin şirkətlər maksimum çalışırlar ki, işçilərin məzuniyyətini il ərzində bölsünlər. Bütün işçilər yay aylarında məzuniyyətdən istifadə etməsinlər”.
A.Bayramov bildirdi ki, yay aylarında işə gəlsə də, işləmək həvəsi olmayan işçilərlə çalışan zaman hədəfyönümlü yanaşmalar, nəticəyönümlü təşviqlər olmalıdır: “Yəni, işçinin performansını idarə etmək və onların motivasiyasının yaxşı olması üçün çalışmaq lazımdır.
Burada şirkətin üzərinə çox böyük yük düşür. İşçinin performansını nizamlamaq üçün doğru alətlərdən istifadə etmək lazımdır. İşçinin hədəfi olduqdan sonra yay-qış, isti-soyuq olmasının əhəmiyyəti olmayacaq və hədəfinə doğru irəliləyəcək. Bu, yalnız işçinin səlahiyyətinə verilməməlidir. Şirkətdə bunun üçün performans menecmenti, müxtəlif layihələr, hədəflər olmalıdır.
İşçinin performansı, nəticələri ilə bağlı sıx görüşlər olmalıdır. Bununla nizamlamaq lazımdır ki, işçi nəticəyönümlü olsun və başa düşsün ki, isti aylarda da, performansın formada qalması üçün, əlavə bonuslar almaq üçün yaxşı işləməlidir”.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay