Hansı şirkətlər əməkdaşyönümlü sayılır? – Konsultant
"Əvvəllər əməkdaşlar da müştərilər kimi müəyyən qəliblərə salınırdı. Onlara həftədə bir-iki dəfə istirahət verilməsi, illlik maaşın bu qədər olması, bu hədəfi keçsən, müəyyən qədər bonus alacaqsan və s. kimi şərtlər qoyulurdu”.
Valyuta.az xəbər verir ki, bunu biznes konsultant Elxan Sultanlı əməkdaşyönümlü şirkətlərin necə olması haqqında danışarkən qeyd edib.
O, bildirib ki, artıq son zamanlar bütünlüklə struktur bunun üzərində qurulub ki, bir əməkdaş istədiyi şirkətdə, istədiyi şərtləri qoya bilir:
“Təbii ki, bu əməkdaş uğurludursa və şirkətin hədəfləri üçün öz hədəfi kimi çalışırsa, işə yüksək dəyər qata bilirsə, şirkətin gələcəyini sığortalaya bilirsə, şirkəti rəhbərdən daha çox düşünə bilirsə, bu zaman müəyyən şərtlər qoya bilir. Biz aşağı kateqoriyada işləyən işçilərdən bunu gözləyə bilmərik. Bu A və C kateqoriyasında çalışan işçilərdir ki, onlar birbaşa olaraq şirkəti birbaşa olaraq öz çiyinlərində daşıya bilirlər.
Həmin bu şəxslər üçün əməkdaşyönümlü siyasət aparılır. Məsələn, onların sosial sığorta, məzuniyyət haqqları qorunur. Bu həm dövlət, həm də sahibkarlıq səviyyəsində belədir. Dövlət həm özəl, həm də dövlət sektorunda çalışan şəxslər üçün kifayət qədər yaxşı imkanlar yaradır. Bu struktur getdikcə genişlənir, faydalarını da bir neçə il, hətta bir neçə ay sonra artıq əməkdaş görməyə başlayır. Bütün bunlar şirkətin əməkdaşyönümlü olmasının göstəriciləridir”.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay